रातलाई छलेर

रातलाई छलेर

असार २६, २०७८ 0 By नीरा शर्मा
शेयर गर्नुहोस्

बटुलेर तिम्रा याद
बयली खेलिरहेछ
जुनेली रात
कानमा आएर सुटुक्क
तिमी आउने खबर सुनाउँछ बतास l

रोक्न नसकेपछि आफूलाई
पहरा, कन्दरा र बगर छिचोल्दै
चट्टानसँग मितेरी लाउँदै
रातको अंगालोबाट फुत्केर
आइपुगेको छु म
तिमीसम्म l

फेरि,
यो पनि थाहा छ
बिलाउनेछ यो खुसी
बिहानीको आँगनमा
रात बिलाए जस्तै l

तिमी फर्किनेछौ उसैगरी
जसरी
रातका आँखा छलेर म
सुटुक्क आएको छु
तिमीसम्म ।
०००